សារអេឡិចត្រូនិច
កូន​ប្រសារ​ប៊ីន​ឡា​ដែន ជាប់​ចោទ​ភេរ​វ​កម្ម ​នៅ​អាមេរិក​


តុលា​​ការ​អាមេរិក​កាល​ពី​ថ្ងៃ​ទី​៧ មីនា បាន​ធ្វើ​ការ​ចោទ​ប្រកាន់​​កូន​ប្រសារ​របស់​អូ​សា​ម៉ា​ប៊ីន​ឡា​ដែន​​ពី​បទ​រួម​គំនិត​សម្លាប់​បណ្តា​ជន​ជាតិ​អាមេរិក​ ក្រោយ​ពី​រូប​គេ​ត្រូវ​ចាប់​ខ្លួន​នៅ​តួក​គី ហើយ​និង​​ការ​ធ្វើ​​​បត្យា​ប័ន​រូប​​គេ​ដើម្បី​កាត់​ទោស​នៅ​ក្រុង​ញូវ​យ៉ក ។ ក្នុងសេច​ក្តី​ប្រកាស​មួយ​អម​ដោយ​បទ​ចោទ​ប្រកាន់​អគ្គ​រដ្ឋ​អាជ្ញា​អាមេរិក​ លោក ERIC HOLDER អះ​អាង​ថា ទោះ​ស្ថិត​នៅ​ទីណា ឬ​ទោះ​ពេល​​វេលា​យូរ​បែប​ណា​ក៏​មិន​អាច​​រា​រាំង​ការ​ប្តេ​ជ្ញា​ចិត្ត​របស់​យើង​​ត្រូវ​កាត់​ទោស​ពួក​គេ​ដោយ​អា​មេរិក​ដែរ ។ កូន​ប្រសារ​ប៊ីន​ឡា​ដែន​រូប​នេះ ឈ្មោះ​ស៊ូ​ឡី​ម៉ាន់​ អាប៊ូ​ហ្គា​អ៊ី ដែល​ធ្លាប់​កាន់​តំណែង​ជាអ្នក​នាំ​ពាក្យ​របស់​អាល់កៃ​ដា ។ ជន​នោះ​ត្រូវ​នាំ​មក​បង្ហាញ​ខ្លួន​ចំពោះ​មុខ​ចៅ​ក្រ​ម​​ក្រុង​ញូវ​យ៉ក​មួយ​រូប ​នា​ព្រឹក​ថ្ងៃ​ទី​៨ មីនា ៕